Праздники Православной Церкви с подробным объяснением. Книга 1 - стр. 20
Глас пророка Твоего Моисея, Боже, исполнися глаголяй: узрите Живот ваш висящ пред очесы вашими: днесь Крест воздвизается, и мир от лести свобождается; днесь Христово воскресение обновляется, и концы земли радуются, в кимвалех Давидски песнь тебе приносяще и глаголюще: соделал еси спасение посреде земли, Боже, Крест и Воскресение, ихже ради нас спасл еси, Блаже и Человеколюбче, всесильне Господи, слава Тебе!
Днесь происходит Крест Господень, и вернии приемлют того желанием, и вземлют исцеления души же и тела и всякия болезни; сего целуим радостию и страхом: страхом – греха ради, яко недостоини суще, радостию же – спасения ради, еже подает миру на том пригвоздивыйся Христос Бог, имеяй велию милость.
Души и сердца да очистим добрыми единеми деянии, и зряще предлежащее посреде спасительное древо Креста, верою и любовию богомудренно поклонимся.
Крест воздвизаем на нем Вознесеннаго страсть пречистую пети повелевает твари всей: на том бо убив убившаго нас, умерщвленных оживил есть, и удобри, и на небесех жити сподоби, яко милосерд премножеством благости; тем радующеся, вознесем имя Его и Того возвеличим крайнее снисхождение.
Да возрадуются вся древа дубравная, освятившуся естеству их, распростершуся на древе Христу, от Негоже изначала насадишася.
Крест – хранитель всея вселенныя; Крест – красота Церкве; Крест – царей держава; Крест – верных утверждение; Крест – Ангелов слава и демонов язва.
На страсти тлетворныя укрепи нас, тя почитающих и целующих, Честный Кресте, святыя страсти святейшее знамение!
Яко солнце великое, блистаньми твоими озаряеши сущия во тьме, и демоны попаляеши, краснейший Кресте, темже вопием: просвети вся верою покланяющияся Тебе!
Ты мой покров державен еси, тричастный Кресте Христов, освяти мя силою Твоею, да верою и любовию покланяюся и славлю Тя.
Четвероконечный мир днесь освящается, четверочастному воздвизаему Твоему Кресту, Христе Боже наш…
Посреде Едема древо прозябе смерть; посреде всея земли древо процвете жизнь: вкусивше бо перваго, нетленни суще, тленни быхом; получивше же втораго, нетления насладихомся, Крестом бо спасаеши, яко Бог, род человеческий.
Днесь яко воистинну святовещанный глагол Давидов конец (исполнение) прият: се бо яве пречистых ног Твоих покланяемся подножию, и на сень крилу Твоею надеющеся, Всещедрый, вопием Ти: да знаменается на нас свет лица Твоего. Православных людей Твоих рог (силу, могущество) вознеси, Честнаго Креста Твоего воздвижением, Христе многомилостиве!»
Ветхозаветные прообразы Креста Господня в церковном богослужении
«Пророков гласи древо святое предвозвестиша, имже древние свободися клятвы смертные Адам» (Служба на Воздвижение Креста Господня – стихира самогласна).
В замечательной по глубине и богатству содержания службе, посвященной Воздвижению Креста Господня, раскрывающей смысл и значение Голгофской Жертвы, Святая Церковь напоминает верующим несколько моментов из ветхозаветной истории, в которых отразились прообразы Живоносного Древа. Крест – глава нашего спасения – источник бесчисленных благ. Когда случается сопоставлять новозаветные и ветхозаветные библейские параллели, то приходят на память слова Господа, сказанные Им по одному поводу окружавшим Его иудеям: Исследуйте Писания, ибо вы думаете через них иметь жизнь вечную, а они свидетельствуют о Мне (Ин. 5, 39).