Фэн-шуй по-русски. Традиционные русские секреты привлечения любви, благосостояния и здоровья - стр. 17

Молитва святому Михаилу Архангелу

О Господи Боже Великий, Царю безначальный, пошли, Господи, Архангела Твоего Михаила на помощьрабу Твоему (имя) изъяти мя от враг моих видимых и невидимых!

О Господень Архангеле Михаиле, излей миро благостыни на раба своего (имя). О Господень Михаиле Архангеле, демонов сокрушителю! Запрети всем врагам, борящимся со мною, сотвори их яко овцы, и сокруши их, яко прах пред лицем ветра.

О Господень Великий Архангеле Михаиле, шестокрылатый первый Княже и Воеводо Небесных сил, Херувим и Серафим! О чудный Архангеле Михаиле! Буди ми помощь во всем, в обидах, в скорбех, в печалех, в пустынях, на распутиях, на реках и на морях тихое пристанище! Избави мя, Великий Михаиле Архангеле, от всякия прелести диавольския, егда услышиши мя грешнаго раба своего (имя), молящагося Тебе и призывающаго имя Твое святое, ускори на помощь мою, и услыши молитву мою.

О великий Архангеле Михаиле! Победи вся противящиеся мне силою Честнаго и Животворящего Креста Господня, молитвами Пресвятыя Богородицы и святых Апостолов, и святого Николая Чудотворца, святого Андрея юродивого и святого Пророка Илии, и святых великомучеников Никиты и Евстафия, Преподобных Отец и святых Святителей и Мученик и всех Святых Небесных Сил, Аминь.

Молитва ко святому Ангелу Хранителю

О святой Ангеле, хранителю и покровителю мой благий! С сокрушенным сердцем и болезненною душею предстою Ти, моляся: услыши мя грешнаго раба своего (имя), с воплем крепким и плачем горьким вопиющаго; не помяни моих беззаконий и неправд, имиже аз окаянный прогневляю Тя по вся дни и часы,и мерзноста себе творю пред Создателем нашим Господем; явися мне милосерд и не отлучайся мене сквернаго даже до кончины моея; возбуди мя от сна греховнаго и пособствуй твоими молитвами прочее время живота моего без порока преити и сотворити плоды достойны покаяния, паче же от смертных падений греховных соблюди мя, да не погибну во отчаянии, и да не порадуется враг о погибели моей. Вем воистинну и усты исповедую, яко никтоже таков друг и предстатель, защититель и поборник, якоже Ты, святый Ангеле: предстоя бо престолу Господню, молишися о мне непотребнем и паче всех грешнейшем, да не изъимет Преблагий души моея в день нечаяния моего и в день творения злобы. Не престай убо умилостивляя премилосерднаго Господа и Бога моего, да отпустит согрешения моя, яже сотворих во всеми моими чувствы, и имже весть судьбами, да спасет мя: да накажет мя зде по Своей неизреченней милости, но да не обличит и неистяжет мя онамо по Своему нелицеприятному правосудию; да сподобит мя покаяние принести, с покаянием же Божественное причащение достойне прияти, о сем паче молю, и такаго дара всеусердно желаю. В страшный же час смерти, неотступен буди ми, благий хранителю мой, прогоняя мрачныя демоны, имущыя устрашити приткрепетную душу мою: защити мя от тех ловления, егда имам преходити воздушныя мытарства, да храним Тобою, безбедно достигну рая ми вожделеннаго, идаже лицы святых и горних сил непрестанно восхваляют всечестное и великолепное имя в Троице славимаго Бога, Отца и Сына и Святаго Духа, Емуже подобает честь и поклонение во веки веков. Аминь.