Дополнение к общему молитвослову - стр. 4
На 15-м десятке вспоминается слава Божией Матери, какой венчал Ее Господь после переселения Ея от земли на небо.
Далее указывается подробная схема Богородичного правила с добавлением к ней тропарей, стихир и молений после каждого десятка.
Пресвятая Богородице, помогай нам!
В начале сего правила читается:
Отче наш… 1 раз
Милосердия двери… 1 раз
Молитва о упокоении духовного отца и о спасении… с. 9.
Рождество Твое, Богородице Дево, радость возвести всей вселенней: из Тебе бо возсия Солнце Правды, Христос Бог наш, и, разрушив клятву, даде благословение, и упразднив смерть, дарова нам живот вечный.
Днесь благоволения Божия предображение и человеков спасения проповедание: в храме Божии ясно Дева является и Христа всем предвозвещает. Той и мы велегласно возопиим: радуйся, смотрения Зиждителева исполнение.
О Пресвятая Владычице Богородице! Спаси и сохрани, и соедини или присоедини к святей Православной Церкви заблудших и отпавших рабов (имена).
Днесь спасения нашего главизна и еже от века таинства явление, Сын Божий Сын Девы бывает и Гавриил благодать благовествует.
Темже и мы с ним Богородице возопиим: радуйся, Благодатная, Господь с Тобою!
О Пресвятая Владычице Богородице! Утоли наши скорби и пошли утешение скорбящим и болящим рабом Твоим (имена).
«В месяц же шестый послан бысть Ангел Гавриил от Бога во град Галилейский, емуже имя Назарет, к Деве, обрученней мужеве, емуже имя Иосиф, от дому Давидова: и имя Деве Мариам. И вшед к Ней Ангел рече: “Радуйся, Благодатная, Господь с Тобою: Благословенна Ты в женах”. Она же, видеши, смутися о словеси его и помышляше, каково будет целование сие. И рече Ангел Ей: “Не бойся, Мариам: обрела бо еси благодать у Бога: и се, зачнеши во чреве и родиши Сына, и наречеши имя Ему Иисус: Сей будет велий и Сын Вышняго наречется: и даст Ему Господь Бог престол Давида, отца Его: и воцарится в дому Иаковли во веки, и Царствию Его не будет конца”. Рече же Мариам ко Ангелу: “Како будет сие, идеже мужа не знаю?” И отвещав, Ангел рече Ей: “Дух Святый найдет на Тя, и сила Вышняго осенит Тя: темже и раждаемое Свято наречется Сын Божий: и се, Елисавет, южика Твоя, и та зачат сына в старости своей; и сей месяц шестый есть ей, нарицаемой неплоды: яко не изнеможет у Бога всяк глагол”. Рече же Мариам: “Се, раба Господня, буди Мне по глаголу твоему”. И отыде от Нея Ангел».
Воплотившуся уже Мессии первую тя благовестницу слышим, егда к целовавшей тя Богоизбранней Отроковице со ужасом глаголала еси: «Откуда мне сие, да приидет Мати Господа моего ко мне?» Восхваляюще убо тя вопием: «Радуйся, зерцало, Тайны Божия нам являющая».
(Молимся о соединении разлученных, у кого близкие или дети в разлуке или пропали без вести.)
Рождество Твое, Христе Боже наш, возсия мирови свет разума; в Нем бо звездам служащим звездою учахуся Тебе кланятися, Солнцу Правды, и Тебе ведети с высоты Востока: Господи, слава Тебе!